MDR Serbja – Sorbisches Programm
About
Available on
Community
144 episodes
Podajće so zhromadnje z Benom Bělkom do něšto tysac kilometrow zdalenej Mongolskej. Po kraju potajkim, kotryž je wšo druhe hač typiski dowolowy kraj. Tři tydźenje po dalinje mongolskeje stepy...
Matej Wjeńka je so z Achimom Bušu a dalšimi akterami Radworskeho sporta wo stawiznach towarstwa rozmołwjał. Zhromadnje zhladuja na 100-lětne wobstaće serbskeho sportoweho towarstwa.
Projekt TCM “Mór a lubosć” změje w Chrósćicach bórze pod hołym njebjom swoju premjeru. Dla korony dyrbješe so dwójce přesunyć. Wo ćežach a rjanosćach přihotow, je so Monika Gerdesowa ze štyrjomi akterami rozmołwjała.
W zašłych tydźenjach sće móhli naš słuchomobil na Łužiskich drohach wuhladać. Po puću běše potom z nim reporter Beno Šołta. A to do wšelakich zawodow, hdźež Serbja dźěłaja, Wjerški reportažow su tule zestajili.
Beno Šołta bě dźensa znowa live po puću a zetka Serbow pola firmy Packwell w Sepicach, kiž produkuje wosebity papjerc, žłobičkaty papjerc, němsce Wellpappe za wšě móžne zapakowanja.
Na cyle wosebitym rjadowniskim zetkanju je pobyła Monika Gerdesowa njedawno. Słyšće tule jeje rozprawu.
Tónraz je sej naš reporter Beno Šołta do Pěskec do tamnišeho zawoda Ziegler dojěł. Što tam wšitko produkuja a štó tam wšitko ze Serbow dźěła, zhoniće tule.
Wot lěta 2011 přewodźa Serbski rozhłós štyri WITAJ-dźěći. Tehdy běchu hišće w žłobiku a WITAJ-pěstowarni.Tež lětsa je so Monika Gerdesowa ze swojimi “mótkami” zetkała, kiž su mjeztym 13 a 14 lět stare.
Dźensa je naš słuchomobil so podał do Delan. po puću. Beno Šołta je sej dojěł do Sernjan, tam k zawodej Matješk Powertools. Nětko je tam direktnje při produkciskej hali a přeradźi, što poprawom tam scyła produkuja!
Dźensa rano je sej naš reporter Beno Šołta ze słuchomobilom do Blunja dojěł a mjez druhim ze šefinu kofejownje Anet Kralowej porěčał.
Beno Šołta wopyta w lěćnym času wšelake zawody a předewzaća a so tam za tym rozhladuje, što tam produkuja a štó tam dźěła. Tónraz poby w Nadróznej Hrabowce.
Syman Hejduška je hłuboko do archiwow našich nahrawanjow podał a předstaji nam nětko mały dźěl z prěnich nahrawanjow serbskeje hudźby scyła.
Wulki jubilej 40 lět folklorny ansambl Wudwor. A serbski rozhłós bě wězo pódla.
Beno Šołta je so z nim rozmołwjał a chcyše jako prěnje wědźeć, kotre stacije je Křesćan Korjenk w swojich nimale štyrjoch lětdźesatkach wučerstwa dožiwił.
Dnja 25. februara 1222 je Mišnjanski biskop Bruno II. we wopismje postajił, zo dźewjeć cyrkwjow Budyskeho kraja Budyskemu tachantskemu kapitlej podsteji. Naliči nimo Wjelećina, Kumwałda, Poršic a dalšich tež “Bukewicz”.
Wotrowska wosada woswjeći z wulkim wosadnym swjedźenjom tutón kónc tydźenja 250. róčnicu swojeho załoženja a poswjećenja cyrkwje.
Reporter Beno Šołta pohlada, w kotrych wulkich zawodach, kiž su wšěm znate, dźěłaja Serbja. Jeho prěnja stacija bě w Leppersdorfje pola koncerna Müllermilch.
Cyrkej ma mudrje hospodarić, trjeba pjenjezy za dušepastyrstwo a socialne nadawki. Dyrbi z “plus” a “minus” ličić. A tu je so w biskopstwje Drježdźany-Mišno wukopało, zo tuchwilu do minusa jědu. Hdźe leža přičiny za to?
Za tydźeń su komunalne wólby. W Hornjej Łužicy wolimy wobeju krajneju radow. A w jara wjele gmejnach wolimy přichodnu njedźelu tež wjesnjanostku abo wjesnjanostu. Naše dowólbne wusyłanje je Andreja Chěžcyna zestajała.
Hdyž powědaš cuzym wo Serbach a narodnej drasće, potom mysla husto na Błótowčanki z wulkej hawbu na hłowje. Wšako je tuta přez turizm w Błótach chětro znata. Rahel Zelnakec poby w Choćebuzu, pola hotowarniče a nošerkow.
Swobodny dźeń wužija mnozy k pućowanju a sej do blišeje wokoliny wuleća. Hač pěši, z kolesom motorskim abo kremserom - Diana Fryčec-Grimmigowa ma někotre pokiwy za pućowanske krótkowulěty za Was.
Institut za Sorabistiku na uniwersiće w Lipsku swjeći kónc tydźenja z wědomostnej konferencu swój 70-lětny jubilej wobstaća. Monika Gerdesowa so praša: Što su nadawki instituta dźensa a kak so poradźi, je zwoprawdźić?
Kotra je najlěpša medicina? Wězo, smjeće. To mysleše sebi tež šěsć młodostnych a mějěješe sćěhowacu lóštnu mysl: Woni zetkachu so na jednym wječoru a su swoju bjesadu cyle jednorje raz připódla sobutřihali.
Dr. Sonja Wölkowa je mnohim zapřijeće. Mjeztym je so rěčespytnica na wuměnk podała. Beno Šołta je ju wopytał, a so z njej wo jeje skutkowanju na polu serbskeje rěče rozmołwjał.
Ludowy herc Mikławš Kral, rodźeny 1791 w Ćemjercach, je zawostajił wobšěrnu notowu knihu ze zhromadźenymi melodijemi serbskich a němskich ludowych, rejowanskich a dalšich spěwow.
W nalěću móžeš tola zaso raz přemyslować, hdźe by so mjeńše pućowanje w domiznje zadaniło. Monika Gerdesowa je to činiła – zhromadnje z wučerjom biologije a zemjepisa, Symanom Šołtu. A staj čaru tež za Was testowałoj.
W nalěću wša přiroda wotuća, wšitko so pisani a kćěje – njebychu-li tomu tuchwilne zymne temperatury zadźěwali. Barba lila abo fijałkowa: Za čo barba steji a što wona woznamjenja, Jakub Wowčer je so z tym zaběrał.
Madlenka Šołćic: dramaturgowka, něhdyša Satkularka a dźensa zastupowaca intendanta za serbske dźiwadło a rodźena 1975 w Konjecach. Beno Šołta je so njej wo wšěch móžnych temach rozmołwjał.
Energijowe hospodarstwo w Němskej a w Europje steji před wulkej transformaciju: Preč wot fosilnych paliwow, narunajo tute z wobnowjomnymi, naslědnymi, čistymi energijemi, na přikład z wětřika a słónca.
Ze zažneho štwórtka ranja howri wójna w Ukrainje. Nimale w połhodźinskim takće so z toho časa informacije přemjetuja. Diana Fryčec-Grimmigowa zhladuje hromadźe z dalšimi kolegami na situaciju w Ukrainje.
